Jahan Daal-Daal Par
जहाँ डाल-डाल पर
Jahaan daal-daal par
sone ki chidiyaan karti hai basera
woh Bharat desh hai mera
Jahaan satya, ahinsa aur dharm ka
pag-pag lagata Dera
woh Bharat desh hai mera
Yeh dharati woh jahaan Rishi muni
japate prabhu naam ki mala
Jahaan har balak ek mohan hai
aur radha har ek balaa
Jahaan suuraj sabase pahale aa kar
Daale apana phera
woh Bharat desh hai mera
Alabelon ki is dharati ke
tyohaar bhi hai alabele
kahin diwali ki jagamag hai
kahin hain holi ke mele
Jahaan raag rang aur hansi khushi ka
chaaro aur hai ghera
woh Bharat desh hai mera
Jahaan asamaan se baate karate
mandir aur shivaale
Jahaan kisi nagar me kisi dvaar par
koi na talaa Daale
prem ki bansi jahaan bajata
hai yeh shaam savera
woh Bharat desh hai mera ...
